এই পৃষ্ঠাটোৰ বৈধকৰণ হৈছে
৪১
কদম-কলি
বন-মালাৰ গোন্ধ মধু;
আকাশত হাঁহে বিধু;
আদৰি বন্ধুক আনা,
মিছাতে সময় যায়॥
কোনে নো বজায়?*
[ ১৮৩২ শক। আঘোণ, হাওড়া। ]
মাতৃশ্ৰাদ্ধ
বিশাল প্ৰকৃতি স্নেহ তিল তিল কৰি
গোটাই ৰচিলে মাতৃ জনমদায়িনী।
কৰুণ ৰসত আৰ্দ্ৰ হৃদয় তোমাৰ,
মূৰ্ত্তিমতী সহিষ্ণুতা। জনম তোমাৰ
অনন্ত কন্দলি বংশে আসাম-গৌৰৱ।
কিহেৰে তৰ্পিম মাতঃ আজি শ্ৰাদ্ধ দিনে,
নিঃকিন সন্তান মই? চকুৰ লোৱেৰে
ধুৱাওঁ চৰণ আই আশীৰ্ব্বাদ দিয়া। +
২২/১০/১০, শনিবাৰ।
১৮৩২ শক, আঘোণ, হাওড়া।
_______________________________________________________________
- পুজনীয় শ্ৰীযুত ৰবীন্দ্ৰনাথ ঠাকুৰৰ “ওলো কে বাজায়” গানৰ
আৰ্হি ভাব আৰু সুৰ লৈ ৰচিত।
+ জননীৰ মৃত্যুৰ এঘাৰ দিনৰ দিনা হোৱা শ্ৰাদ্ধৰ দিনা ৰচিত।
