এই পৃষ্ঠাটোৰ মুদ্ৰণ সংশোধন কৰা হৈছে
চন্দ্ৰা, ৰাধাৰ দন্দ
(গীত)
(বেহাগ—খেমটা )
তাই কিয় গালি পাৰি যায়?
মোৰ পদুলিত চন্দ্ৰাই কিয় মুখ বজায়?
দন্দুৰী নহওঁ ৰাধা,
পাই মোক গোটেই “চিধা”,
যি আহে মুখত কৈ কিয় ফকফকায়?
পৰে নিয়ক কৃষ্ণক মাতি,
ৰাধাৰ গাত কিহৰ ঘাটি?
খোচোনাত কানুক ৰাধাই লুকাই থোৱা নাই
যাৰ বস্তু তাৰ ঘৰে;
তাইৰ কিয় চকু পোৰে?
সেইজনীৰ মুখত জানো লাজ-কাজ নাই!
কিয় গালি পাৰি যায়?
১৮৩২ শক।
জেঠ, হাওড়া।
⸺⸺
