পৃষ্ঠা:কদম-কলি বেজবৰুৱা.pdf/৪৪

ৱিকিউৎসৰ পৰা
এই পৃষ্ঠাটোৰ মুদ্ৰণ সংশোধন কৰা হৈছে

সত্য কোৱাঁ

(গীত)

(ইংৰাজী সুৰ)

সত্যে কোৱাঁ প্ৰাণনাথ, কোন তোমাৰ আপোন?
সত্যে কোৱাঁ প্ৰাণধন, বুকুৰ বান্ধ কোন?
 নিৰাশা মৰম সুখ,
 আশা দুখৰ বাহ॥
 আচল কথা ভূ পালে
 নেযাওঁ শোকত জাহ॥
হেৰা সোণামণি মোৰ!
 নেযাওঁ শোকত জাহ॥

১৮৩১ শক।

মাঘ, হাওড়া।

⸻⸺

তৰা

অনন্ত আকাশে বহি কোন তোমালোক?
কি কাৰণে ধ্যানমগ্ন, কিবা দুখ শোক?
কি কামে নিবিষ্ট চিত্ত, কিবা ভাবে ভোৰ?
সামান্য মানুহ মই নাই পোৱা ওৰ।