এই পৃষ্ঠাটোৰ মুদ্ৰণ সংশোধন কৰা হৈছে
বাঁহী
কোনে নো বজাইছে বাঁহী সন্ধিয়া বেলিকা?
কোনে নো সুৰেৰে মতে “ৰাধিকা” “ৰাধিকা”?
গধূলি বতাহ ধীৰে ৰিব ৰিব বয়।
কোনে “ৰাধা” বুলি মাতে হই তন্ময়?
নোৱাৰোঁঁ ঘৰত ৰব টানে বাঁহী মোক।
লাজ ভয় সকলোতে নেওচা পৰোক।
কেনি যাম বাট সখী দেখুৱাই দিয়া।
উগুল-থুগুল মন থিৰ নাই হিয়া।
মুখখানি চাই আহোঁ,
মালাধাৰি পিন্ধাই আহোঁ,
হাঁহিৰে মাধুৰী পি আনন্দত ভাহোঁ।
১৮৩১ শক!
মাঘ, হাওড়া।
⸺⸻
