এই পৃষ্ঠাটোৰ বৈধকৰণ হৈছে
মইনা
১
মইনা মইনা বুলি কতনো মাতিম মই,
কতনো বিনাই আৰু কাকূতি কৰিম ঐ,
নাইনে মইনা মোৰ? নাইনে কি মন চোৰ?
নাইনে নাইনে মোৰ মইনা মউৰ?
ণনাইনে জগতে মোৰ চেনেহ-চকোৰ?
২
কিমান ঢাকুৰি হিয়া বিচাৰোঁ পখীটি মোৰ,
কিমান চিন্তাই বুকু চিটাচিট কৈলে মোৰ,
বিয়াকুল বিয়াকুল, নাই তাৰ কুলাকুল,
তথাপি বাতৰি নাই মইনা পখীৰ;
তথাপি বাতৰি নাই চকুৰ মণিৰ!
৩
সঁচাকৈ সঁচাকৈ যদি পৃথিৱীত এই
নাই পখী যাক মাতোঁ মইনা মইনা কৈ
কিয় সজা সোণোৱালি, মৰম গাখীৰ ঢালি,
চেনেহ-চাউলে সৈতে হেঁপাহ-বাটিত
দিলে মোৰ হৃদয়ত কৰিনো থাপিত?
৪
কিয়নো কিয়নো কাণ মাত-আকলুৱা অতি?
কিয় দিলে মুখ মোৰ চুমাৰ বলিয়া পাতি?
বুকুত মইনা-ৰোগ কেলৈ মোৰ কৰে ভোগ?
