এই পৃষ্ঠাটোৰ মুদ্ৰণ সংশোধন কৰা হৈছে
১২৭
কদম-কলি
জুমুৰি, লেচাৰী, ছবি, দুলৰীৰ সুৰ,
কবিতা কদম-কলি ৰেণুৰেই পুৰ৷
* * *
ইতিহাস বুৰঞ্জীৰ বগা গোফ-ডাঢ়ি!
চিৰ যৌবনেৰে ভৰা কবিতা-কুৱঁৰী॥
* * *
বলেৰে শাসন জানা নহয় শাসন;
ধৰমত নাম তাৰ অন্যায় আচৰণ॥
* * *
দোষ খোচৰাই পায় উটা খেৰৰ জাজি।
গুণ বিচৰালৈ থাকে তলিত মুক্তাৰাজি।
* * *
সুখ নাই ;—ধনে কি কৰিব?
চকু নাই;—বেলি পোহৰিব?
* * *
ভয়াতুৰ! নকৰিবা পিছভৰি তুমি।
সাহ পাবা যাওঁতেই; মাতে জন্মভূমি॥
