পৃষ্ঠা:কদম-কলি বেজবৰুৱা.pdf/১১৮

ৱিকিউৎসৰ পৰা
এই পৃষ্ঠাটোৰ মুদ্ৰণ সংশোধন কৰা হৈছে

উন্নতিৰ জখলা

উন্নতিৰ জখলাত তেওঁ
 এনেই উঠছে নাভাবিবা।
টোপনিত থাকোঁতেই তুমি,
 তেওঁ কাম কৰিছে জানিবা?

⸻⸻

লক্ষ্য

থিৰ কৰাঁ উদ্দেশ্য তোমাৰ;
লক্ষ্যভ্ৰষ্ট যতন বিফল!
সৰ্ব্বপ্ৰাণ সৰ্ব্বমন সঁপি;
কাম কৰাঁ, গাত পাবা বল॥

⸺⸺

কাল্পনিক আদৰ্শ

মনে গঢ়া আদৰ্শ নোপোৱা,
 পৃথিবীত যিমান বিচাৰা;
যদি তুমি আদৰ্শৰ অনুৰূপ
 কৰি নিজক নগঢ়া॥