এই পৃষ্ঠাটোৰ বৈধকৰণ হৈছে
৯৮
কদম-কলি
চুবুৰীয়া ল’ৰা বুঢ়া
সকলো মোৰ মনত জোৰা,
হঁহা লৰা, কন্দা বুঢ়া,
সকলো কুটুম মোৰ।
বাহিৰত মোৰ পকে চুলি,
ভিতৰত বাজে মৌ সুতুলি,
লৰাৰ কিৰিলি খলকত
মোৰ ৰঙৰ নাই ওৰ।
বুঢ়া বেলিত উষাৰ পোহৰ,
বুঢ়া বিৰিখত বা বসন্তৰ,
বুঢ়া আমত কুঁহি পাত
লৰে জুৰ্ জুৰ্।
ৰূপৰ বঠা, সোণৰ নাও
টুল্ টুল্ টুল্ বাই যাও,
কলীয়া পানত ৰূপালী ৰহণ
মোৰ মনৰ চোৰ।
যমুনাৰ জলত উঠে লহৰ,
ৰাজহাঁহজাকে কৰে পোহৰ,
অমল ধৱল তৰল কমল
হাঁহিত বিভোৰ।
