এই পৃষ্ঠাটোৰ বৈধকৰণ হৈছে
৯৩
কদম-কলি
ভৈয়াইক মোৰ আলাসৰ,
চিনিও নিচিনিলো।
হে চিনিও নিচিনিলো।
ডিঙিৰ সোণমণিটিক
এচাৰি ভাঙিলো,
হে এচাৰি ভাঙিলো॥
আটোম্টোকাৰি বান্ধৈৰ
নাপালো আঁট্কাল,
হে নাপালো আঁটকাল।
সাঁফিৰ লেলেতীয়া বিষ
ৰল চিৰকাল,
হে ৰল চিৰকাল॥
মৰি গৈ সোণ সৌ
তৰা এটি হল,
হে তৰা এটি হল।
টুপি টুপি চকুৰ লোৰে
মোলৈ চাই ৰল,
হে মোলৈ চাই ৰল॥
সোণৰ শিকলিডালি
চকুৰ লোৰে গোথা,
হে চকুৰ লোৰে গোথা।
মোলৈ পেলাই দিয়া ধন,
ৰাখাঁ মোৰ কথা,
