পৃষ্ঠা:এলকহ’লিক ঈশ্বৰ.pdf/১৯

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ কৰা হৈছে



মোৰ ভোক নাই, মোৰ ভাগৰ নাই।
শুকাব ধৰা কেক্টাছৰ কাঁইটেৰে
মোৰ শৰীৰ বিদ্ধ কৰি মই মাথোঁ আঁকি গৈছোঁ
যন্ত্ৰণাৰ একোখনি ৰঙীন চিত্ৰ
তাত তুমি নাই, তাত মই নাই।
আছে মাথোঁ দীঘল সুৰংগ এটাৰ শোকগাথা

নীলা চৰাইটো এতিয়াও উৰি আহি পোৱা নাই
তাৰ ভোক আছে, তাৰ ভাগৰ আছে।
সি কেতিয়াও সুৰংগৰ শেষ বিন্দু বিচাৰি নুফুৰে
মই মোক হেৰুৱাই পেলাইছোঁ

চাইবেৰিয়াৰ বৰফ গলক
চাহাৰাত পলস পৰক
আৰু এহেজাৰ এনিশা মোক গাবলৈ দিয়া
যন্ত্ৰণাৰ একোটি দীঘল গান।
নীলা চৰাইটোক খাবলৈ দিয়া
সুখৰ এমুঠি পকা ধান

॥ এলকহ'লিক ঈশ্বৰ ॥ ১৯