পৃষ্ঠা:এলকহ’লিক ঈশ্বৰ.pdf/১২

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
 

কিছু বলিয়ালি

Because everybody thinks I'm mad,
that's why I'm not mad.

ছালভাদৰ ডালি



এটা সপোনৰঙী শূন্যত ওপঙি মই
সেইখন দেশলৈ গৈ আছোঁ য’ত তুমি
চকুপানীৰে ভৰ্তি কলহ এটাত মোক মুখ চাবলৈ নিদিয়া
মোৰ হাতৰ তলুৱাৰ একা-বেঁকা ৰেখাবোৰত
তোমাৰ ছাইৰঙী কান্দোন এটা অকাই-পকাই বগাই ফুৰিছে
আজি সন্ধিয়াৰ জোনটো পনীয়া হৈ মোৰ
হাতৰ তলুৱাত কিলবিলাই ফুৰিছে আৰু
তোমাৰ কান্দোনৰ ছাইৰঙী সূতাবোৰ
ছুৱেটাৰ এটা হৈ মোৰ গাত লিপিট খাই আছে

এটা সপোনৰঙী শূন্যৰ ভিতৰত মই
মকৰাৰ জাল এখন গুঠিছোঁ য’ত আঠা লাগি ধৰিব
এবুকু চকুপানী আৰু কিছু শূন্যতা

১২ ॥ এলকহ’লিক ঈশ্বৰ ॥