এই পৃষ্ঠাটোৰ বৈধকৰণ হৈছে
সঞ্জীৱনী
হেৰা মালি, দিবা নেকি এটি মিঠা ফল
জুটি লৈ পাৰ কৰো এপল দুপল
শুকান মৰুৰ এই দীঘল বাটত
তৃষ্ণাতুৰ, শ্ৰান্ত, ভাৰাক্ৰান্ত মনত
ছটিয়াও একাঁজলি, অমৃত জল
সেয়ে হ'ব নিৰ্মালি, দুভৰিৰ বল।
ৰুইছিলো গছপুলি ময়ো এটি
ৰাখিছিলো সামৰি বুকুৰ মাজত
নিতে নৱ কল্পনা মন আকাশত
ফুলে ফলে সুশোভিত, কইনা সাজত
বিচাৰিলো আজি মই জনাই প্ৰণতি
নিৰ্মম দিঠকে দিলে নিৰ্দয় ভ্ৰূকুটি।
লহিয়ালে বেলি, আৰু কতদূৰ বাট
নিঘুণ নিৰ্জৰ মই নহও নিৰ্ঘাত
অসীমৰ সীমা দেখো তেনেই কাষত
আবদ্ধ চলন মোৰ মায়াৰ পাশত
দিবা নেকি মোক মিঠা এটি ফল
ধৰাৰ জনম কৰো সাৰ্থক সফল।
৭২ • এজন ডাক্তৰৰ কবিতা
