এই পৃষ্ঠাটোৰ বৈধকৰণ হৈছে
বীৰাঙ্গনা
একুৰিৰ দেওনা চুবলৈকে নোপোৱা
গোলাপৰ পাহি যেন কুমলীয়া দেহা
ফাঁচীত ওলমিল নসৰাই চকুলো
প্ৰতিৰোধ কৰিবলে মঙহৰ বেহা।
কিনো পাপ কৰিলে, অসুৰক বধিলে
মেলোতে হাত কাঁইটে বিন্ধিলে
সৃষ্টিৰ নিয়ম মাথো নিষ্ঠাৰে পালিলে
পুৰষ্কাৰ বুলিবলে অবিচাৰ পালে।
হ’বতো নোৱাৰে ই ঈশ্বৰৰ আদেশ
হয়, য’ত হয় অসুৰৰ সমাবেশ
য’ত হয় বেচা কিনা মনুষ্য সত্ত্বাৰ
প্ৰতিবাদী কণ্ঠত লৈ ফাঁচী উপহাৰ।
নাৰী তুমি যুগে যুগে মহিয়সী তুমি
উদভ্ৰান্ত শাসকক নকৰি কেৰেপ
বলিদান দিলা, তুমি অংগদানো দিলা।
সশ্ৰদ্ধে হেজাৰবাৰ জনাও আদাব॥ ❖
(A tribute to the Iranian Girl
Reyhanesh Jabbari, who was hanged
For killing a man who tried to rape her.)
এজন ডাক্তৰৰ কবিতা • ২৯
