এই পৃষ্ঠাটোৰ বৈধকৰণ হৈছে
মহামাৰী
(এক বলাৎকাৰৰ ঘটনাৰ প্ৰতিক্ৰিয়া)
প্ৰশান্ত মনত মোৰ
আজি অশান্ত ভাববোৰ
যেন গৰাখহনীয়া লুইতৰ
সমুখত বিপদ দুৰ্ঘোৰ।
সময়ৰ কোবাল সোঁতে
সামৰি উতুৱাই নিলে
যতমানে মনুষ্যৰ গুণ
সৃষ্টিয়ে আদিতেই দিলে।
দুবাহুৰ অসীম শকতি লৈ
হৈছিলা নাৰীৰ ৰক্ষক
আজি উতলিল বীৰ্য্য তোমাৰ
হ’লা এক দুৰ্বাৰ ভক্ষক।
পাহৰিলা সমাজৰ আচাৰ
নকৰিলা বয়সৰো বিচাৰ
বিচাৰিলা মাথো ক্ষণিকৰ সুখ
ক’লা কৰি ভাতৃৰ চেনেহৰ মুখ।
আফ্ৰিকাৰ ‘ইবোলা’ যেন অন্য ৰূপত
বিয়পিছে ভাৰত দেশত
নহ’লে সংযত, নল’লে বিধান
মষিমূৰ কৰিব কলিৰ বেশত॥ ❖
এজন ডাক্তৰৰ কবিতা • ১৫