এই পৃষ্ঠাটোৰ বৈধকৰণ হৈছে
নিসঙ্গ
ব্যতিক্ৰমি শৈশৱৰ মোৰ
নিৰ্দয় অচিনাকি সপোনবোৰ
জুৰিটিয়ে নিদিলে সঁহাৰি
বহু আকাঙ্খিত মাণিকীমধুৰী;
কোমল হিয়াত নাই নোপোৱাৰ দুখ
আৰু নাই মোৰ হৃদয়ত
ওফন্দি উপচি পৰা অপাৰ সুখ।
মোৰ ভালপোৱা, মোৰ প্ৰীতি
স্বাৰ্থ যেন তাৰেই অন্য নাম এটি
মোৰ সেই শৈশৱ যেন
ধ্বংসমুখী জীৱনৰ কাহিলী পুৱা
এক আশ্বৰ্য্য সম্ভাৰ, সকলোটি
ভাল বেয়া খুচৰি গোটোৱা;
নদীৰ খৰসোঁত, গীতিময় নিজ
সুউচ্চ পাহাৰৰ ভয়ানক গৰা,
শাৰদী সুৰুযৰ সোণালী আভা
মোৰ সত্ত্বাৰ চৌদিশে প্ৰদক্ষিণ কৰা,
আকাশৰ বুকু ফালি চিৰাচিৰ কৰি
নিমিষতে উৰি যোৱা বিজুলী পৰী
ধুমুহাৰ সহচৰ বজ্ৰ নিনাদ
আৰু মেঘৰ টুকুৰাবোৰ
(যেতিয়া সৰগৰ ৰং হয় নীলা)
ধৰা দিয়ে দুচকুত মোৰ
হৈ সাক্ষাত মহিষাসুৰ॥
(Adgar Allan Poeৰ মূল ইংৰাজী Alone নামৰ কবিতাৰ অসমীয়া
অনুবাদ)
এজন ডাক্তৰৰ কবিতা ● ১৪৭
