এই পৃষ্ঠাটোৰ বৈধকৰণ হৈছে
প্ৰেমিক
এয়া কি মই প্ৰেমত পৰিলো।
প্ৰেম তাৰ মানে এনেদৰেই হয়?
বৈ পৰা ঘন ক’লা চুলিকোছাত
গুজি লৈ এপাহ সুগন্ধি কুসুম
কাজলৰ ৰেখা টানি লৈ সাৱধানে
হাঁহো হাঁহো কৰা উজ্জ্বল দুচকুত
কাণত ওলমি পৰা তিৰবিৰ তৰা
ডিঙিত অৰ্ধচন্দ্ৰ মন আলোকিত কৰা
দুহাতত গামখাৰু ভৰিত নুপূৰ
পাৰ হ’লা সমুখেৰে লাৱনী খোজেৰে
প্ৰতিটো অঙ্গ যেন ছন্দেৰে ভৰা।
দেখাটো নাছিলো কোনোদিনে মই
সপোনৰো অগোচৰ দৃশ্য এনেহেন
বুজাও নাছিলো কোনোদিনে মই
সৰগৰ অপ্সৰা পাম তোমাতেই যেন।
আজি বুজিছো ভালদৰে মই
ভাল পাওঁ তোমাক, প্ৰেমিক মই
জ্বলালা প্ৰাণত মোৰ প্ৰেমৰ শলিতা
তুমি মোৰ, মোৰেই প্ৰাণৰ কবিতা॥ ❖
৪ • এজন ডাক্তৰৰ কবিতা
