এই পৃষ্ঠাটোৰ বৈধকৰণ হৈছে
কল্পতৰু
আকৌ এবাৰ কৃতজ্ঞ নতশিৰ মোৰ
মই যে ঋণী, চিৰ ঋণী ব্যক্তিত্ব মোৰ
সানন্দে কঢ়িয়াম ঋণৰ বোজা মই
উপভোগ্য নাটখনি পৰে মানে ওৰ।
প্ৰথম দৃশ্যতে দেখা দিলা তুমি
কৰিছিলা ভ্ৰূণটিৰ যতন পালন
স্নেহধাৰা ছতিয়াই আঁচলেৰে ঢাকি
কৰিলা ডাঙৰ, দিলা আগুৱাই
সৈনিক জীৱন যুঁজৰ, কপাল চুমি।
লগ দিলা পুনৰাই সমান খোজত
খলা-বমা, কাঁইটীয়া জটিল বাটত
সাহস, ধৈৰ্য, শক্তি, প্ৰেম চাৰি স্তম্ভ হৈ
সজালা মৰততে সৰগ নিয়াৰিকৈ।
আজি এটিবাৰ পুনু, যাচিছা অমৃত
ভাগৰুৱা দেহ-মন, মৃত্যু ভয়-ভীত
আঁতৰাই সকলোটি ফুলালা ফুল
নতুন সপোন দেখি চিত্ মছগুল
ঋণী মই, আজীৱন! নাই তাত ভুল। ❖
৯৬ • এজন ডাক্তৰৰ কবিতা
