এই পৃষ্ঠাটোৰ বৈধকৰণ হৈছে
১৮৪
উদ্যোগ-পৰ্ব্ব।
সহদেবে বোলে দদা শুনা কহো সাৰ।
মহা পৰাক্ৰমী ৰাজা বিৰাট আমাৰ॥৮৬০
অম্নে পানে পুষিলেক পুত্ৰবত কৰি।
বৰিষেক সুখে আছো ইহাৰ নগৰি॥
জানে নানাবিধ যুদ্ধ ধৰ্ম্মবন্ত আতি।
মোৰ মনে ইহাঙ্ক পাতিয়ো সেনাপতি॥৮৬১
নকুল বদতি দদা শুনা যুধিষ্ঠিৰ।
পৰাক্ৰমী প্ৰচণ্ড দ্ৰোপদ মহাবীৰ॥
কন্যাদাতা পিতৃ হোৱে শ্বশুৰ আমাৰ।
পাণ্ডু পিতৃ সম হিত চিন্তন্ত আমাৰ।৮৬২
শিষ্য ভৰদ্বাজৰ যে যুদ্ধত নিপুন।
মোৰমুখে তাহান বৰ্ণাইবো কতগুণ॥
সৰ্ব্বকালে জানো গুৰু দ্ৰোণ সমে নাটে।
ঘোৰ সমৰত পাইলে দুইকো দুয়ো কাটে॥৮৬৩
একশত পুত্ৰ যাৰ বিপুল শকতি।
মোৰ মনে তাহাক পাতিয়ো সেনাপতি॥
ধনঞ্জয় বদতি শুনিয়ো যুধিষ্ঠিৰ।
পৰম দৰ্পিষ্ঠ ধৃষ্টদ্যুম্ন মহাবীৰ॥৮৬৪
দ্ৰোণ বধিবাৰ হেতু জানে ত্ৰিভুবনে।
অগ্নিৰ কুণ্ডৰ হন্তে ভৈলা উতপন্নে॥
