এই পৃষ্ঠাটোৰ বৈধকৰণ হৈছে
১৩৬
উদ্যোগপৰ্ব্ব।
পৰাক্ৰমে গুণালয়, ৰূপে যেন ধনঞ্জয়,
যাৰ যশ দশো দিশে গৈল।
ধৰ্ম্মৱন্ত দেখি সাৰ, স্বৰ্গ মহাৰাজা যাৰ,
ধৰ্ম্ম নাৰায়ণ নাম থৈল॥
আমাৰ আশীষ বৰে, যাৱচ্চন্দ্ৰ দিবাকৰে,
ধৰ্ম্ম নাৰায়ণ চিৰঞ্জীৱ।
স্বধৰ্ম্মে পালিয়ো প্ৰজা, হুয়ো এক ছত্ৰ ৰাজা,
সদা বৰ দিয়ন্তোক শিৱ॥৬২৩
নমো নমো নাৰায়ণ, সৃষ্টি স্থিতি বিনাশন,
লীলা গতি মহিমা যাঁহাৰ।
তেন্তে প্ৰভু আদি দেৱ, কৰো শত কোটি সেৱ,
অৰুণ চৰণে বাৰে বাৰ॥
শুনিয়োক সভাসদ, ইটো ভাৰতৰ পদ,
বঢ়া টুটা দোষ ক্ষমা কৰি।
পূটাঞ্জলি কৰি স্তুতি, বোলে ৰাম সৰশ্বতী,
সঘনে ঘুষিয়ো ৰাম হৰি॥৬ ৪
⸻
পদ।
মাধব বদতি দদা শুনা যুধিষ্ঠিৰ।
মহা বলবন্ত দেখা তযু যত বীৰ॥
