পৃষ্ঠা:উদ্যোগপৰ্ব্ব.djvu/১২৪

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১২৪
উদ্যোগপৰ্ব্ব।

কুন্তীৰ আমাক স্নেহ নাই অনুৰাগে।
মৰিল বুলিয়া মোক এৰি আছে আগে ॥৫৬৯
কুন্তী উপাজিলে প্ৰাণ দিলে ৰাধা আই।
অঙ্গীকাৰ কৰি আছো কৌৰৱৰ ঠাই॥
হুই নুই প্ৰভু তুমি গুণি চোৱা আগে।
পাণ্ডৱে সহিতে দন্দ ইজন্মে নভাগে॥৫৭০
কৰযোৰ কৰি মাতে কৰ্ণ বীৰবৰ।
ক্ষমা কৰা প্ৰভু মোক নোবোঁলা বিস্তৰ॥
এহিবুলি কৰ্ণ নামি ৰহিলা তথাতে।
ৰথ.ডাকি মাধৱ গৈলন্ত ৰাজপথে।৫৭১
পালটি আসিলা যদি ৰাধাৰ নন্দন।
ৰথ ডাকি চলি গৈলা দৈৱকী নন্দন॥
বৃকস্থল গ্ৰাম বাসী প্ৰজা যত যত।
আগবাঢ়ি বাৰ্ত্তা পুছে কৃষ্ণৰ আগত॥৫৭২
মাধৱৰ আগে বাৰ্ত্তা সোধে সবে বেঢ়ি।
পাণ্ডৱৰ ৰাজ্যক কৌৰৱে দিলে এৰি॥
সময়ন্তি কৰিলাহা কুৰু পাণ্ডৱৰ।
কিনো ৰঙ্গ ভৈল আজি আমাৰ মনৰ ॥৫৭৩
একে বংশে জাত সবে কুৰু পাণ্ডু গণ।
একে গাছ বৃক্ষ যেন পৰম শোভন॥