পৃষ্ঠা:আশীৰ্ব্বাদ.pdf/৯

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
আশীৰ্ব্বাদ।

আজি তযু চৰণৰ দাস সকলে এমুঠি মাহ প্ৰসাদ, কল, কুহিয়াৰ, অনেক উপকৰণ দ্ৰব্য, গুৱা-পান, অৰ্চনা, অৰিহনা সমন্বিতে গছৰ নামে পাত বিকাই যি থগী আগ বঢ়াইছে, ভগৱন্তে ভকতৰ দ্ৰব্য বুলি অচিদ্ৰে গ্ৰহণ কৰিব লাগে। দিওঁতে থওঁতে যি অপৰাধ হৈছে সেইখিনি অপৰাধ ভঞ্জন কৰিব লাগে। বোলে—

অপৰাধ বিনাশন        তযু নাম নাৰায়ণ

জানি নামে পশিলো শৰণে।
আন গতি নাহিকে মৰণে।।
অপৰাধ ক্ষমা কৰি        তুমি দয়াশীল হৰি

মোক ৰক্ষা কৰিয়ো চৰণে॥

            ভকত ভগৱন্ত তুষ্ট হৈ অশুদ্ধি দ্ৰব্যাকে শুদ্ধি কৰি লৈ মোৰ বুলি কৃপা কৰিব লাগে। ॥০॥
            ৭। ভাল বুলিব লাগে— তোমৰা সব ৰাইজ বুলিলে ৰজা, জ্ঞাতি বুলিলে গঙ্গা, সাক্ষাতে চৈতন্য ঈশ্বৰ। তোৰা সবক যি দৰে আহবান বিসৰ্জন দিব লাগে সেই দৰে নাই।

নাজানোহো আৱাহন       নাজোনোহো বিসৰ্জন

পূজা মন্ত্ৰ নাজানো কিঞ্চিত।
এতেকে পৰমেশ্বৰ        দাস ভৈলো চৰণৰ
মোৰ গতি সাধিবে উচিত ।
আনিব লাগে কন্ধে কৰি আহিছে পাৱে চলি