পৃষ্ঠা:আশীৰ্ব্বাদ.pdf/৪৮

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৪৬
আশীৰ্ব্বাদ
জোৰণ।

       ১।
প্ৰকৃতি পুৰুষ দুইৰো নিৱন্ত মাধৱ।
সমস্তৰে আত্মা হৰি পৰম বান্ধৱ।

       ভাল— দেশৰ দস্তুৰ মতে আজি তাৰাই বিবাহ উপলক্ষে প্ৰথম যাত্ৰা কৰি বৰ কন্যাৰ মঙ্গলৰ অৰ্থে শক্তি মত ভকত, বৈষ্ণৱ গোটাই গৃহৰ লক্ষ্মী স্বৰূপে বৰণ কৰি সুবৰ্ণ গহনা পৰিধান কৰাইছে। ইয়াতে তিথি, বাৰ, নক্ষত্ৰ, ক্ষণ, মাস, চন্দ্ৰ, তাৰা যদি কোনোবা গ্ৰহ বিতুষ্ট আছে তোমৰা সবৰ বজ্ৰ বাক্যেৰেই অশুভকে শুভ কৰাই বৰ কন্যাৰ উভয়কে অভেদ স্নেহত আবদ্ধ থাকি স্বামীৰ প্ৰতি অচলা ভক্তি বৃদ্ধি কৰি লক্ষ্মী নাৰায়ণ প্ৰসন্ন হৈ বাঞ্চিত ফলক সিদ্ধি কৰি পিতৃ-মাতৃৰ মনত হৰ্ষদায়ক কৰি গোবিন্দে কৃপা কৰিব লাগে ॥০॥
       ২। ভাল বুলিব লাগে— পূৰ্বে বিধান কৰিছে—পৰৰ পো, পৰৰ জীয়ে গৃহ স্থাপন হয়। ইয়াতে উভয়ৰ মিত্ৰৰ প্ৰতি প্ৰভু প্ৰসন্ন হৈ কোনো প্ৰমাদৰ ভাগী নকৰি মনৰ কল্পনা খিনি পূৰ্ণ কৰি কলি-কন্দল, কপট, ক্ৰোধ, হিংসা ভাব, দুৰ্ম্মতি, দুঃস্বভাব দূৰ কৰি আগলৈকে মিলাপ্ৰীতিৰে কাল যাপন কৰাই আহিবলৈ, যাবলৈ বাট মুকলি কৰি দিয়া স্নেহ ৰাখি কৃপা কৰিব লাগে ॥০॥

————