পৃষ্ঠা:আশীৰ্ব্বাদ.pdf/৪৩

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
৪১
আশীৰ্ব্বাদ

জনাইছে, ইয়াতে বৈকুণ্ঠৰ পতি মহাগুৰু সন্তোষ হৈ কৃপা কৰিব লাগে ॥০॥

       ২।
শঙ্কৰ স্বৰূপে        আসি নিজ ৰূপে

ভকতি প্ৰচাৰ কৰি।
হেনয় জীৱক        কোনে তাৰিবেক

বিনে কৃপাময় হৰি॥

       হৰি ভক্তি প্ৰচাৰ কৰি জীৱ তৰণ উপায় উলিয়াবৰ কাৰণেই কৃপাময় হৰি শঙ্কৰ ৰূপে অৱতাৰ।

       বোলে—
হৰি ভক্তি দান        দিয়া জগতক

তাৰিলা সংসাৰ সিন্ধু।
হেনয় কৃপালু        শঙ্কৰ বিনাই

নাহি নাহি আন বন্ধু॥

       সেই জনা মহাগুৰুৰ ঋণ আমি জন্মে জন্মে পৰিশোধ কৰিব নোৱাৰো।

বোলে—
যিটো মহামতি গুৰু জনে        হৰি ভক্তি পথ

উপদেশ দিয়া দুখময় সংসাৰৰ পাৰ কৰে।
হেনয় পৰম গুৰু ঋণ        সুজিবাক প্ৰতি জানা নিস্ত

অন্যত্ৰ উপায় নাহি অঞ্জলিত পৰে॥

       এই হেতুকে সেই চৰণৰ দাস দাসী যি আছে সমস্তাটিয়ে শৰণাপন্ন হৈ সেৱা জনাইছে, ইয়াতে ভৃত্যসকলৰ প্ৰতি কৰুণ দৃষ্টিৰে মহাধৰ্ম্মত মতি স্থিৰ কৰি