পৃষ্ঠা:আশীৰ্ব্বাদ.pdf/৩৩

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


চাউল খুওৱা।

       ১। ভাল—তোমৰা সব ভগৱন্ত ৰূপী সমূহ ভক্ত চৈতন্য মূৰ্ত্তিক একত্ৰাপতি কৰি যথাৱত পকান্ন অন্ন ব্যঞ্জন অৰ্পণা কৰা হৈছে, এই ব্যঞ্জনকে মোৰ বুলি লৈ ভকত ভগৱন্ত তুষ্ট হব লাগে।

       বোলে—
অন্ন ব্ৰহ্ম অন্ন ব্ৰহ্ম অন্নব্ৰহ্ম সাৰ।
অন্ন ব্ৰহ্মই কৰি আছে জগত উদ্ধাৰ ।

       এই অন্ন ব্ৰহ্ম আপোনা সব চৈতন্য মূৰ্ত্তিক যি প্ৰকাৰে আগ বঢ়াব লাগে সেই ৰূপে নাই, ইয়াত শৰণাপন্ন হৈ আৰ্চা অৰিহণা টোপোলা গুৱাপান সহ সেৱা জনাইছে।

       বোলে—
কৃষ্ণক পূজয় মাত্ৰ ভক্ত নুপূজয়।

সিজনৰ দ্ৰব্য কৃষ্ণে মোৰ নোবোলয়॥
কৃষ্ণক পূজিয়া কৰ বৈষ্ণবে অৰ্চন।

তেবেসে তাহাৰ হোৱে প্ৰসাদ ভাজন॥

       সেই উপলক্ষে অন্নকে মোৰ বুলি গ্ৰহণ কৰি কৃপা কৰিব লাগে।

২। ভাল বোলে—
নাম অন্ন দুই মাত্ৰ কলিত ভকতি।

কহিলা বুজাই ঈটো শাস্ত্ৰৰ যুগুতি ।
শ্ৰৱণ কীৰ্ত্তন কৰি দিয়ে অন্ন দান।

তেবেসে কৃষ্ণত ভক্তি বাঢ়ে অনুক্ষণ ।

       এই কলি কালত নাম আৰু অন্ন দানৰ বাজে আন কৰ্ম্মত সিদ্ধি নহয় ।

       বোলে-
দেৱ তীর্থ কৰি ভকতেসে বৰ ।
ভকতক ভুঞ্জাইলে গুছে কৰ্ম্ম জড় ॥