পৃষ্ঠা:আশীৰ্ব্বাদ.pdf/১৬

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
১৪
আশীৰ্ব্বাদ

লাগে। আৰু সুত্ৰ, গোসাঁই, গোপী আদি এই নাটৰ ভাৱ ভাৱৰীয়া সকলৰ প্ৰতি প্ৰভু প্ৰসন্ন হৈ সৰ্ব্ব দোষ ক্ষমা কৰি আপোনাৰ গুণ চৰিত্ৰতে সন্তুষ্ট হৈ আগলৈকে এই দৰে হৰি সেৱা কৰিবলৈ সকলোকে শক্তি বিধান কৰি নিৰ্বিঘ্নে ৰক্ষা কৰিব লাগে। ॥০॥

             ৪।
যথাত মোহোৰ ভক্ত উদাৰ !

কৰিয়া থাকন্ত লীলা প্ৰচাৰ॥
সৰ্ব্ব তীৰ্থ সিটো জানিবা সাৰ।

তাত সেৱি হোৱে সংসাৰ পাৰ॥

             তেনে মহাত্ম্যশালী তোৰা সব সাক্ষাত ভকত ভাগৱত, বৈকুণ্ঠৰ লোক। ইয়াতে মাহ-প্ৰসাদ উপকৰণাদি যি খিনি আপোনা সবক অৰ্চনা কৰা হৈছে সিয়ো বৈকুণ্ঠৰে বস্তু, ইয়াৰে অচিদ্ৰ ৰূপে গ্ৰহণ কৰি সেৱকীৰ প্ৰতি প্ৰসন্ন হৈ কৃপা কৰিব লাগে। এই সেৱাৰ উপলক্ষে তোৰা সবক যি ৰূপে আদিৰ সম্ভাষণ, আৱাহন বিসৰ্জন দিব লাগে সেই ৰূপে পৰা নাই। ইয়াতে সেই দোষীদোষ খিনি মাৰ্জ্জনা কৰি সন্তোষ হব লাগে। আগলৈকে এই দৰে মিলা প্ৰীতিৰে ৰাখি সকলোকে নিৰাপদে ৰক্ষা কৰি কৃপা কৰিব লাগে। ॥০॥

————