পৃষ্ঠা:আশীৰ্ব্বাদ.pdf/১৫

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
১৩
আশীৰ্ব্বাদ

যি পবিত্ৰ ভাব আহিছিল সেই ভাব চিৰকাল কৰক। হৰি কীৰ্ত্তনত ভক্তিৰ যি প্ৰেম পৰশিছিল, সেই ভক্তিৰ প্ৰেম চিৰকাল লগ লৈ পুণ্যাত্মা কৰক। হৰি গুণ কীৰ্ত্তনৰ ফলত ঈশ্বৰৰ চৰণত অচলা ভক্তি হৈ ধন, ধান, পুত্ৰ, ভাৰ্য্যা, মিত্ৰ, কুটুম্ব, বন্ধু-বান্ধৱ পূৰ্ণ হৈ লক্ষ্মী বসতি কৰক। হৰি গুৰু প্ৰসন্ন হৈ ৰোগ, ব্যাধি, শোক, সন্তাপ, মাৰি-মৰক সকলো আপদ দূৰ কৰি নিৰাপদে ৰক্ষা কৰক। ॥০॥
              ( এই খিনিত যদি আৰু আশীৰ্ব্বাদ দিবৰ দৰকাৰ হয়, তেন্তে বৰ সবাহৰ আশীৰ্বাদৰ ৩ আৰু ৪ নং এই দুইটি দিব। হৰি কীৰ্ত্তনৰ পৰিবৰ্ত্তে ভাৱনা বুলি উল্লেখ কৰিব )।

              ৩।
ঘোৰ অপৰাধ        সহস্ৰেক বাৰ

অহৰ্নিশে আছো কৰি।
দাস বুলি ধৰি        শ্ৰীমধুসূদন

ক্ষমিয়োক দেৱ হৰি।

            এই মহা মহোৎসৱ ভগৱন্তৰ লীলা কৰোতে, কৰওঁতে, গাওঁতে, বাওঁতে, গীত, ৰাগ, তাল, মান, সুৰ, সঞ্চাৰ, মহাপুৰুষৰ ৰীতি, নীতি, নিয়ম, সংযম, কায়, কষ্ট, ভক্তি, শ্ৰদ্ধাৰে, ভাৱ, ভাঙ্গতি, নাচ, কাছ, থেও, থমক, বচন, মাত, কথা, শ্লোক, ভটিমা, আৰম্ভণি, অপসংহৰণত অপৰাধৰ সীমা নাই ; সেই অপৰাধ মাৰ্জন কৰিব