পৃষ্ঠা:অৱসান.pdf/৬৮

৫৮

[২য় অঙ্ক

অৱসান

সূৰ্য্য-গ্ৰহণৰ আগে হব লাগে পূৰ্ণ আয়োজন। অষ্টাদশ দিন মাত্ৰ বাকী! শীঘ্ৰে কৰা উদ্যোগ ৰাজন!

কৃষ্ণ—

বলা দাদা! কৰোঁগৈ যজ্ঞ আয়োজন! আহোঁ পিতা! আহিলোঁ দেবৰ্ষি।

[ বসুদেবক সেৱা কৰি কৃষ্ণ বলোৰামৰ প্ৰস্থান ]

নাৰদ—

বলা যাও আমিও ৰাজন!

বসুদেব—

বলা ঋষিবাজ! সভা ভঙ্গ হক আজিলই।

নাৰদ—

[ স্বগতঃ ] হে মাধব! আশা মোৰ কৰিবা পূৰ্ণ! চাবা প্ৰভু! যত্ন যেন নহয় নিষ্ফল!

[ সকলোৰে প্ৰস্থান ]

⸻

দ্বিতীয় গৰ্ভাঙ্ক।
[ দ্বাৰকাৰ সুসজ্জিত কক্ষাভ্যন্তৰত শ্ৰীকৃষ্ণ। ]

শ্ৰীকৃষ্ণ—

ধৰিত্ৰীৰ গুৰুভাৰ হৰণৰ হেতু, জন্ম মই ধৰিলোঁ ধৰাত। ধৰ্ম্মযুদ্ধ কুৰুক্ষেত্ৰতেই অৰিকুল পৃথিবীৰ কৰিলোঁ নিঃশেষ। বৈৰী ভাবে কৰি আৰাধনা ভাগ্যবান কত ভক্তে পালে পৰিত্ৰাণ!