পৃষ্ঠা:অৱসান.pdf/৬০

 

দ্বিতীয় অঙ্ক
প্ৰথম গৰ্ভাঙ্ক

 [ দ্বাৰকাৰ ৰাজসভা। বসুদেব, উগ্ৰসেন, উদ্ধব, দাৰুক, সাত্যকী, কৃতবৰ্ম্মী, নাৰদ ইত্যাদি বহি থাকে। ]

নাৰদ—

যদুৰাজ! যাদব সকল! কুশল নে আপোনা সবৰ? কুশল নে দ্বাৰকা বাসীৰ? ৰম্য ই দ্বাৰকা পুৰী— দেখা নাই কতদিন হল। সেই হেতু চাঁও বুলি আহিলোঁ এবাৰ!

বসু—	কুশল সবাৰো ঋষিৰাজ! কৃষ্ণ হন্তে আঁতৰিল কংসভয় মোৰ। কৃষ্ণ প্ৰসাদত আজি কুশল সবাৰো।

উগ্ৰসেন—

ঋষিৰাজ! ভাগ্যগুণে পালোঁ আজি তযু দৰশন! বৰ ভাগ্য দ্বাৰকাবাসীৰ!

উদ্ধব—

হে দেবৰ্ষি! দ্বাৰকা পবিত্ৰ হল পাই তযু চৰণৰ ধূলি। শ্ৰবণ শীতল হল—