পৃষ্ঠা:অৱসান.pdf/৫১

৫ম গৰ্ভাঙ্ক ]

৪১

অৱসান

গোৱা বীণা— এক মনে গোৱা গান শ্ৰীমতি ৰাধাৰ—

 [ মুকলী সুৰত নাৰদৰ বীণা বাজি উঠে। নাৰদ যাব খুজি হঠাৎ ৰাধাক দেখি বই যায়। ]

কোন সৌৱা ভূলুষ্ঠিত কদম্ব মূলত! ইষ্ট দেবী মোৰ! এয়ে নেকি সেই ৰূপ! হে ৰাধাৰমণ! কী নিকৰুণ দৃশ্য চোৱাহি এবাৰ!  [ ৰাধাক সেৱা কৰে। ]  নমিছোঁ চৰণ দেবী—  ক্ষমিবা দাসক—।  মনোবাঞ্ছা কৰিবা পূৰণ! গোৱা বীণা! ৰাধা নাম কৰা উচ্চাৰণ।

 [ মুকলী সুৰত ৰাধা নাম গান কৰি নাৰদৰ প্ৰস্থান আৰু বৃন্দা ললিতা আদি সখি বিলাকৰ প্ৰবেশ। ]

ললিতা—

অকস্মাৎ বংশীৰৰ! সেই ৰাধা ৰাধা সুৰ! কেনি সখি? কোন পিনে? শুনা সখি শুনা সেই উন্মাদিনী সুৰ!