পৃষ্ঠা:অৱসান.pdf/৪৪

৩৪

[ ১ম অঙ্ক

অৱসান

সকলোটি বিচ্ছেদ কাতৰ—। নিয়া বাঁহী— স্পৰ্শ-সুখ দানিবা সবাকে বিচ্ছেদ কাতৰ যত ব্ৰজবাসী গোপী— সকলোকে দিবা স্পৰ্শ দান— তাৰ পাছে— দিবা মোক ফিৰাই পুনৰ।

[ সকলোৰে প্ৰস্থান ]

পঞ্চম গৰ্ভাঙ্ক।
[ যমুনাৰ পাৰ। কেলী কদম তল। হাতত শ্ৰীকৃষ্ণৰ মুৰুলী লৈ শ্ৰীৰাধিকাৰ প্ৰবেশ। ]

ৰাধা—

মাধব! বনমালি! এয়েতো সৈকত ভূমি— এয়ে সেই কুল যমুনাৰ! বাল্য-লীলা-ভূমি তযু! লুপ্ত তাৰ অতীত সৌন্দৰ্য! নাই তাৰ পূৰ্ব্ব জ্যোতি— নাই তাৰ কাকলি কূজন ৰম্য সি কানন আজি অগাধ অটবী! এইয়ে সেই কেলী কদম্ব! দীৰ্ঘ বিৰহত— শুকাল পল্লব তাৰ—