৪৮১
অনুকৰণ কৰা নাছিলোঁ। লাহে-লাহে খোজ কাঢ়িবলৈ আৰম্ভ কৰো। কিন্তু সেয়াও নিয়মিত কৰিব নোৱাৰাৰ ফলত একো ভাল
ফলাফল লাভ কৰা নাছিলোঁ। কিন্তু ২০১৭ চনৰ ডিচেম্বৰ শেষৰফালে এদিন নিজেই অনুভৱ কৰিলোঁ যদি মই এনেদৰেই
থাকো তেন্তে হয় কিবা ডাঙৰ বেমাৰে পাব নতুবা পূৰামাত্ৰাত মানসিক হতাশাগ্ৰস্থতাত ভূগিম। গতিকে মন ডাঠ কৰি কৰিলোঁ
যে ২০১৮ ত মই নিজকে পৰিৱৰ্তন কৰিহে এৰিম আৰু ইয়ে হ’ব মোৰ নতুন বছৰৰ অংগীকাৰ। লগে-লগেই মই গুগল চাব
ধৰিলোঁ। কি কি কৰিলে মেদ কমে, মেদ কেনেকৈ শৰীৰত হয়, মেদনো কি, মেটাবলিজম কি, BMI, BMR কি ইত্যাদি
সকলো লগতে খাদ্য তালিকা এখনো প্ৰস্তুত কৰিলো, য'ত চেনী আৰু বেছি তেল থকা বস্তু, ময়দা দিয়া খাদ্য, পেকেট জুচ
আদিবোৰ সমুলি বৰ্জন কৰিলোঁ। কিন্তু বাকী সকলো বস্তু খাদ্যৰ তালিকাত ৰাখিছিলোঁ আৰু কম কম কৈ সকলোবোৰেই
খাইছিলোঁ। সেইদৰে পুৱা-গধূলি ব্যায়ামসমূহ কৰিবলৈ ল'লো। পানী দিনটোত ২/৩ লিটাৰ কৰি খাব ল'লোঁ। ব্যায়ামসমূহ
কৰাৰ লগে লগে মই মোৰ ব্যায়ামৰ তালিকা আৰু খাদ্য তালিকাখন Facebook ৰ এটা Fitness Group FFWOA
(Fitness freak women of Assam) ত দৈনিক ৰূপত দি যাবলৈ ধৰিলোঁ৷ ইয়াৰ প্ৰধান কাৰণ দুটা, এটা হ'ল এনে
কৰিলে মই দৈনিক ব্যায়ামসমূহ কৰিবলৈ বাধ্য হৈছিলোঁ আৰু দ্বিতীয়তে মোৰ যদি ক'ৰবাত ভুল থাকি যায় তেতিয়া গ্ৰুপটো
বাকী সদস্যসকলে শুধৰাই দিছিল। তেনেদৰে স্বাস্থ্যসম্মত খাদ্যসূচী আৰু ব্যায়ামসমূহৰ দ্বাৰা মই ৪ মাহতে ১০/১২ কেজি
ওজন কমাবলৈ সক্ষম হওঁ আৰু বৰ্তমান মোৰ ওজন ৫৬ কেজি যিটো মোৰ উচ্চতা অনুসৰি সঠিক বুলিব পাৰি। অৱশ্যে মোৰ
এই যাত্ৰা আজিও অব্যাহত। কাৰণ সু-স্বাস্থ্য বুলিলে আমি গোটেই জীৱনটোকে সাঙুৰি লওঁ। ই এদিন দুদিন ব্যায়াম কৰি এৰি
দিয়া কাৰ্য নহয়। এইয়া হৈছে মোৰ জীৱনৰ সঁচা ঘটনা। ইয়াৰ উপৰিও ক্ষীণ আৰু লাহি-পাহি তথা সু-স্বাস্থ্যৰ অধিকাৰী হৈ
থকাৰ বহুত উপায় আছে। আহকচোন এইবাৰ তাৰ বিষয়ে জানি লওঁ।
১। সদায় চেষ্টা কৰিব ৩০ মিনিটমান ৰাতিপুৱা খোজ কাঢ়িবলৈ। যদি নোৱাৰে তেন্তে ২০-৪০ মিনিটমান যোগ কৰক, যোগৰ ফল লাহে লাহে পোৱা যায় যদিও ফলাফল কিন্তু সদায় স্থায়ী।
২। ৰাতিপুৱাৰ আহাৰ পেট ভৰাই খাওক আৰু ক্ৰম অনুসৰি আহাৰৰ পৰিমাণ কমাই যাওঁক। কথাতে কয় নহয় বোলে “পুৱাৰ আহাৰ খাবা ৰজাৰ দৰে, দুপৰীয়া মন্ত্ৰীৰ দৰে আৰু ৰাতি প্ৰজাৰ দৰে।”
৩। পানী খাওঁক প্ৰচুৰ পৰিমাণে, লাগিলে আপোনাৰ পিয়াহ লাগক বা নালাগক।
৪। শৰীৰত চৰ্বী কম কৰক আৰু মাংসপেশী বঢ়াওক, তাৰ বাবে ঘৰৰ কামবোৰ নিজে কৰিবলৈ লওঁক যেনে কাপোৰ ধোৱা, পানী বাল্টি দঙা, ঘৰ মচা ইত্যাদি।
৫। মাছ, মাংস, কণী প্ৰচুৰ খাওক, ইয়াত প্ৰটিন আছে। প্ৰটিনে চৰ্বী কটাত সহায় কৰে।
৬। আচৰিত নহ'ব, তিনিদিনৰ অন্তৰে অন্তৰে এক চামুচ বিশুদ্ধ ঘী খাব। (ই লোহাৰে লোহা কটাৰ দৰে কাম কৰে)
৭। নিজৰ দৈনিক তালিকাখন ৫ টা ভাগত ভাগ কৰি কম কমকৈ কেইবাবাৰো খাওক।
৮ | খৰখেদা নকৰি লাহে লাহে ওজন কমিব দিয়ক যাতে ফলাফল স্থায়ী হয়। মনত ৰাখিব সোনকালে ওজন কমিলে বঢ়াৰো সম্ভাৱনা থাকে।
৯। Diet list ত সদায় পুষ্টিকৰ খাদ্যসমূহহে অন্তৰ্ভূক্ত কৰক। অকল জুচ, চালাদ খাই শৰীৰটোক কষ্ট নিদিব, এনে কৰিলে পোনাৰ ছালৰ উজ্জ্বলতাও লাহে লাহে নোহোৱা হ'বলৈ ধৰিব।
১০। কেতিয়াও নিজকে আনৰ লগত তুলনা নকৰিব। ব্যক্তিভেদে সকলো পৃথক। (শাৰীৰিক আৰু মানসিক দুয়োটা দিশতে)
১১। বাদাম, কাজু, খিচমিচ আদিৰ পেকেট লগত ৰাখিব, মন গ'লে দুই এটা চুবাই থাকিব, সহজে তেতিয়া ভোক নালাগে।
১২। ব্যায়ামসমূহ শাস্তি বুলি নহয় জীৱনৰ পুৰস্কাৰ বুলিহে ভাৱিব। ন'হলে আপোনাৰ ওজন কেতিয়াও নকমে।
১৩। লক্ষ্যত উপনীত হোৱাৰ পাচত ব্যায়ামসমূহ এৰি নিদিব। কমকৈ হ'লেও দৈনিক কৰিব।
১৪। ভাল অভ্যাস, খাদ্য আৰু জীৱনশৈলী গ্ৰহণ কৰক। আপোনাৰ ভাল লগা সকলো খাওঁক কিন্তু কম কমকৈ। তেল
