এই পৃষ্ঠাটোৰ বৈধকৰণ হৈছে
১৩৩
অসমীয়া ৰামায়ণ।
আকাশত থাকিবে৷ অদৃশ্য ৰূপ হৈবোঁ।
নৰক হানিয়া স্বৰ্গপুৰি নিৰোধিবোঁ॥
জল থল কৰিবো পৃথিবী জঙ্কাৰিবো।
সূৰ্য্যক ঢাকিবো বায়ুপন্থ নিৰোধিবো॥
চন্দ্ৰক গিলিবো পাতালক বিদৰিবো।
সাগৰ শুশিবো নাগ লোক নিবাৰিবো।৷
দেবতাক খেদিবো ত্ৰৈলোক্য উচ্ছাদিবো।
ক্ৰোধ সাফলিবো সবে মান্যক সাধিবো॥
তোহোক হৰিবো ৰাম চন্দ্ৰক বধিবো।
পৌৰষ ৰাখিবো লক্ষ্মণক সংহৰিবো॥
অগ্নি সম জ্বলিবো বৈৰক নিদলিবো।
ৰাক্ষস তুষিবো বন্ধু জনক ভূষিবো॥
এহি বুলি লঙ্কেশ্বৰ ক্ৰোধে ধাই গৈল।
ঝাম্প দিয়া সীতাক কোলে তুলি লৈল॥
ৰাহুয়ে যেহেন ৰোহিণীক হৰিলেক।
আথে বেথে যাই পাছে ৰথে ছড়িলেক॥
মহাবেগে ৰথ ডাকি চলিলা তেখন।
দেখি সীতা শান্তিৰ যে হৰিল চেতন॥
হা! ৰাম বুলি সীতা পৰি মুৰ্চ্চা গৈলা।
কটোক্ষণ অনন্তৰে চেতনক পাইলা॥
