এই পৃষ্ঠাটোৰ মুদ্ৰণ সংশোধন কৰা হৈছে
অসমীয়া সাহিত্যৰ চানেকি
ৰতিকান্ত দ্বিজ।
.........
ব্ৰহ্মবৈৱৰ্ত্ত পুৰাণ।
(কৃষ্ণ জন্ম খণ্ড)
নাৰায়ণে কহে শুনিয়ে নাৰদ,
পাছে যেন কথা ভৈলা।
নন্দ গোপৰাজে সুৰভানু ঘৰে,
শীঘ্ৰ বেগে চলি গৈলা॥
সুৰভানু আগে নন্দ গোপৰাজে,
কন্যাৰ কথা কহিলা।
আতিৰঙ্গ মনে৯সুৰভানু পাছে,
কন্যাক যাই মাগিল॥
ভনন্দন নৃপে বৃকভানু বৰে,
আৰম্ভিলা কন্যা দিতে।
অনেক সম্ভাৰ আনিয়া ৰাজাই,
থৈলেক আনন্দ চিত্তে॥
বিবাহ দিলন্ত পৰম আনন্দে,
বাদ্য ভাণ্ড বায়া ৰঙ্গে।
হয় হস্তী ৰথ ধন ৰত্ন যত,
দিলন্ত জীউৰ সঙ্গে।
বৃকভানু সেহি কন্যাক লভিয়া,
আনন্দ পাইলা অপাৰ।
কলাৱতী সমে নিৰ্য্যানক যাই,
ক্ৰীড়িবে কৰিলা সাৰ।
