এই পৃষ্ঠাটোৰ বৈধকৰণ হৈছে
কৃষ্ণাচাৰ্য্য দ্বিজ।
ভবিষ্য-সংগ্ৰহ।
মহেশ বদতি শুনিয়ো পাৰ্ব্বতী
কহিবো কথা বিস্তৰ।
পাষণ্ড আচাৰ সদা প্ৰবৰ্ত্তিব
কলিত দুৰ্জ্জন নৰ॥
অষ্টশত চাৰি হাজাৰ বছৰ
কলিৰ গৈলেক যেবে।
অঙ্কিলাদি যোগ ভকতি মিলিব
জানিবা পাৰ্ব্বতী তেবে॥
অঙ্কিলা যোগৰ চিহ্ণ কিছু কহোঁ
শুনিয়োক সাৱহিতে।
চণ্ডালৰ পদ জলক ভুঞ্জিব
বিশ্বাস কৰিব চিত্তে॥
তান সিদ্ধ অন্ন কৰিব ভোজন
চৰণৰ ধুলি লৈব।
এতেক লক্ষণ অঙ্কিলা ভকতি
কলিত বিদিত হৈব॥
সম্বলা ভক্তিৰ কহিবো লক্ষণ
আবে শুনিয়োক গৌৰী।
দুষ্ট নৰ সবে ৰহস্য থানক
আনিবে যুবতী নাৰী॥
