এই পৃষ্ঠাটোৰ মুদ্ৰণ সংশোধন কৰা হৈছে
অসমীয়া সাহিত্যৰ চানেকি
হুয়া অতি ক্ৰুদ্ধ আৰম্ভিলো যুদ্ধ,
আৰ কি লৈব সমৰ।
এতেকে কিসক পূজা কেশবক,
কৰিব লাগে বিস্তৰ॥
দুৰ্য্যোধন বাণী পিতামহে শুনি,
ধৃতৰাষ্ট্ৰ নৃপতিক।
বোলে মহাৰাজ শুনা যেন কাজ,
এত আলচাহা কিক॥
যিতো কাৰ্য্যচয় কৰিলে নিশ্চয়,
গুণি আপোনাৰ মনে।
তাক আনি নৰে খণ্ডিতে নপাৰে,
অনেক নীতি বচনে॥
যদি কৰা মান দিয়া বহু দান,
যদিবা কৰা অমান।
পূজাৰ কাৰণে কিছু নাহি মনে,
হৰিষ বিষাদ তান।
জগত ঈশ্বৰ দেৱ দামোদৰ,
অবজ্ঞা তাঙ্ক নকৰি।
সুমধুৰ বাণী বুলিবাহা মানি,
ৰাজা হেলা পৰিহৰি॥
ধৰ্ম্ম অৰ্থ পৰ বাক্য দামোদৰ,
বুলিবাহা জানো সাৰে।
কৰিবাহা তাক নলৈবাহা হাক,
চিন্তিয়ো হিত সবাৰে॥
ভীষ্মৰ বচন শুনি দুৰ্য্যোধন,
বুলিবে লাগিলা চাই।
শুনা পিতামহ পাণ্ডৱৰ গহ,
কৃষ্ণক সহায় পাই॥
