এই পৃষ্ঠাটোৰ বৈধকৰণ হৈছে
১২৯৪
অসমীয়া সাহিত্যৰ চানেকি।
বান্ধ বান্ধ কৰা চাই।
শুনি মাত বোল নাই॥
কৰে কাউবাউ আতি।
কহিলন্ত কথা মাতি॥
দেৱানৰ শ্বশুৰ দুই।
আছন্ত পথত ৰই।
নাহি তান বাসা ঘৰ।
ভুঞা পাতি থিত কৰ॥
শুনি ঠাকুৰিয়া গই।
ভুঞা পাতি সাজি লই॥
ডাক দি লোকক নিল।
বাসাঘৰ সাজি দিল॥
যোগাইলেক ভুঞা পাতি।
দিলন্ত বিদায় মাতি॥
মাধৱক চাহিলন্ত।
শঙ্কৰে হাসি বুলিলন্ত॥
আজি মাধৱ কি কৰিলা।
মাধৱে সমস্তে কৈলা॥
শুনি সবে হাসিলন্ত।
ভোজনক কৰিলন্ত।॥
সুখে তৈতে আছিলন্ত।
প্ৰভাততে লড়িলন্ত॥
সুমৰিয়া ৰাম হৰি।
যান্ত মহা ৰঙ্গ কৰি॥
পাছে বড়পেটা থান।
পাইলা আসি বিদ্যমান॥
দেখি আই গোসানীৰ।
তেবে মন ভৈল থিৰ॥
নমস্কাৰ কৰি যাই।
মাধৱে বোলন্ত আই॥
