এই পৃষ্ঠাটোৰ বৈধকৰণ হৈছে
১২৯৩
শঙ্কৰদেৱ চৰিত্ৰ।
আজি যেন তেন মতে।
ভোজন কৰাৱা পথে॥
মাধৱ বোলন্ত যাইবোঁ।
এখনে সকলে পাইবোঁ॥
তযু পদ প্ৰসাদত।
কি দুলভ সংসাৰত॥
জন চাৰি লগে লৈল।
ৰঙ্গ মনে চলি গৈল॥
মনত আলচি যান্ত।
যেনে তেনে বুলিলন্ত॥
আজি এক বুদ্ধি কৰোঁ।
ঠাকুৰিয়াক গৈয়া ধৰোঁ॥
এহি বুলি যান্ত ধাই।
একজন পথে পাই॥
এখন কাহাৰ গ্ৰাম।
ঠাকুৰিয়াৰ কি নাম॥
এহি বুলি পুছিলন্ত।
সিয়ো সবে কহিলন্ত॥
লগে যিটি জন যান্ত।
পথত শিখায়া নেন্ত॥
দাপিবোঁ দুপিবোঁ আমি।
কিছু নুবুলিবা তুমি॥
এহি বুলি চলি যাই।
একজন লাগ পাই॥
বোলা অৰে শুনহে।
ঠাকুৰিয়াক দেখাই দে॥
সিয়ো তাসম্বাক নিল।
ঠাকুৰিয়াক দেখাই দিল॥
ঠাকুৰিয়াক দেখি আগে।
মাতিবে লাগিল ৰাগে॥
