এই পৃষ্ঠাটোৰ বৈধকৰণ হৈছে
১২৮৮
অসমীয়া সাহিত্যৰ চানেকি।
এক দিন এক নগৰে ৰহিলা
গৃহস্থে নেদয় ঠাই।
কিছু দিয়ো আক তেবে দিবে থান
শঙ্কৰে দিল উপায়॥
পাছে কিছু পাই দিলা সিতো ঠাই
তাতে ৰহিলন্ত গৈয়া।
গৃহস্থৰ ঘৰে আৰো জনাচাৰি
আগে আছে তাৰা বৈয়া॥
ঢাকিয়া কাপড়ে তাহাৰ ভিতৰে
তাৰা সব শুতি আছে।
কৰিয়া ভোজন কৰিলা শয়ন
শঙ্কৰদেৱে যে পাছে॥
প্ৰভাতে চেতন পায়া দুয়োজন
শয্যাৰ পৰা উঠিলা।
কাপৰ গুচাই দুইকো চাই চাই
আনন্দ দুয়ো লভিলা॥
মাতি তাসম্বাক পুছিলা কথাক
শঙ্কৰদেৱ সাম্প্ৰতে।
কোন দেশী তোৰা যাইবা কৈক কৱা
কহিলা তাৰা পাছত॥
হন্তে বৃন্দাবন ৰূপ সনাতনে
পঠাইলন্ত আমাসাকে।
শঙ্কৰে কিমতে ভাগৱত ধৰ্ম্ম
প্ৰৱৰ্ত্তান্ত গৈয়া তাকে॥
জিজ্ঞাস কৰিয়ো পৰিচয় হুয়ো
আমাৰ কথা জনায়ো।
শঙ্কৰৰ কথা আমাৰ আগত
আসিয়া তাক কহিয়ো॥
