পৃষ্ঠা:অসমীয়া ল'ৰাৰ ব্যাকৰণ.pdf/৪২

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধন কৰা হৈছে


প্ৰত্যয় বিধান৷

ভাব আরু কৰ্ম্মবাচ্যে সাধাৰণ ধাতুৰ পাছত তব্য আরু অনীয় প্ৰত্যয় হয়৷ কৃ+তব্য কৰ্ত্তব্য, কৃ+অনীয় কৰণীয়, স্থা+তব্য স্থাতব্য, বুধ্‌ বোদ্ধব্য প্ৰচ্ছ্‌ পৃচ্ছনীয় * ইত্যাদি৷

ভাব আরু কৰ্ত্তৃ ভিন্ন কাৰক বাচ্যে সাধাৰণ ধাতুৰ পাছত ঘঞ্‌ হয়৷ ঘঞ্‌ৰ ঘঞ্‌ অনুবন্ধ অ থাকে৷ ৷ পচ্‌+ঘঞ্‌, পাক, ত্যজ্‌ ত্যাগ, ভজ্‌ ভাগ, নশ্‌ নাশ, শুচ্‌ শোক, ভৃ ভাৰ, ভূ ভাৱ, অধি+ই অধ্যায় ইত্যাদি৷

ভাৱ বাচ্যে সাধাৰণ ধাতুৰ পাছত অল হয়। ল্‌ অনুবন্ধ অ থাকে৷ জি+অল্‌, জয়, ক্ষি ক্ষয়, দ্ৰু দ্ৰৱ, স্তু স্তৱ, ভূ ভৱ, হৃষ্‌, হৰ্ষ ইত্যাদি৷

ভাৱবাচ্যে আরু কোনো কোনো কাৰক বাচ্যে সাধাৰণ ধাতুৰ পাছত অনট্‌ হয়। ট অনুবন্ধ অন থাকে৷ ভাৱবাচ্যে যথা; গম+-অনট্‌ গমন, ভুজ্‌ ভোজন, দৃশ্‌ দৰ্শন, (দেখা)৷ কৰণবাচ্যে যথা; দৃশ্‌ দৰ্শন, (চকু) শ্ৰু শ্ৰবণ, (কাণ) চৰ চৰণ,


* প্ৰচ্ছ পৃচ্ছ হয়।