এই পৃষ্ঠাটোৰ মুদ্ৰণ সংশোধন কৰা হৈছে
-৬ষ্ঠ দৃশ্য-
[ আলিবাটৰ কাষৰ এজোপা গছৰ তল।
দুজন আশ্ৰমৰ ছাত্ৰই সমিধ লৈ গছৰ
তলতে থিয় দিছেহি। এনেতে
তৃতীয় এজন সমিধ লৈ
হঠাৎ প্ৰবেশ। ]
| ৩য় ছাত্ৰ— | ইস্ গাত গোসাঁই নাই ঐ, গোসাঁই নাই—ধুম-খুলি বাই ফুৰিছে। |
| ১ম ছাত্ৰ— | কাৰ গাত, কাৰ গাত নাই গোসাঁই? |
| ২য় ছাত্ৰ— | গোসাঁই তো সকলোৰে গাত আছে। ঋষি মুনি সকলোৱে এক বাক্যে কৈছে। আকৌ নো কাৰ গাত গোসাঁই নাইকিয়া হ'ল বন্ধু? |
| ৩য় ছাত্ৰ— | ঋষি-মুনিয়ে ক'লে কি হব? অগ্নিকুমাৰ নামৰ সেই ঋষিকুমাৰ জনৰ গাতে জুই লাগি—গোসাঁই নাইকিয়া হৈছে, শুনা নাই? |
| ১ম ছাত্ৰ— | তেওঁ তো চাৰ্ব্বাক। তেওঁলোকৰ তো গোসাঁই চোসাঁই নায়েই। |
| ২য় ছাত্ৰ— | ঈশ্বৰ নমনা ঋষি-গোত্ৰ এটা তো আছেই। তেওঁ গাত নহব তো গোসাঁই! |
| ৩য় ছাত্ৰ— | গোসাঁই নমনা ঋষি-গোত্ৰটোৱে তেওঁৰ দৰে চনমূৰ কুৰি হাবিয়ে বনণিয়ে পিপিনাই নুফুৰে। তেওঁ দেখিছো |
