এই পৃষ্ঠাটোৰ বৈধকৰণ হৈছে
তাক বাৰু কোনোবাই পাইছিলনে কি লগ?
ব্যস্ত মহানগৰ বা গভীৰ অৰণ্যত
চেৰাশালি বা মৰিশালিৰ ওচৰত?
বেছ ওখকৈ তাৰ অবয়ব
ৰংটো বগা
কলাফুল আৰু বাহুত আছে প্ৰচণ্ড জোৰ।
আপোনালোকৰো
কাৰোবাক তেনেদৰে নিছেনে কি
মাজনিশা উঠাই
কাৰোবাৰ মৰমৰ ভাই
বা একমাত্ৰ বুকুৰ সোণাই
নহ'লেবা নিচেই আপোনজনক
দেশৰ কোনো তেজাল যুৱকক?
মোৰ দৰে আপোনালোকেও ৰাতিপুৱা
বাতৰি কাকতৰ পাতত বিচাৰি ফুৰেনে কি
উদ্ধাৰ হোৱা কোনো মৃতদেহৰ
বিগলিত খবৰ
চকুলোৰ জুয়ে পুৰি নিয়েনে কি
কাকতৰ নিৰ্মম আখৰ?
অনুচ্চ আর্তি/ ৩১
