তোমালৈ/চিলঙৰ উত্তৰ
< তোমালৈ
- চিলঙৰ উত্তৰ :
- তোমাৰ চিঠিয়ে, মিতা, জানিছিল ইমান মোহিনী,
- নিতৌ-নোহোৱা বাহী টিঙপাত বিলাতী মাটিৰ
- প্ৰাৰ্থনাত কেতিয়াও পোৱা নাই অকণো আমনি,
- কিয় তেনে হ'ব লাগে অলপতে ইমান অধীৰ ?
- সময় যে বৰ বেয়া, ময়ো জানো। কাৱৈ মাছৰ
- জীয়াতু মৰণভোগ ভাগ্যত লিখিলে বিধাতাই
- দিবানিশি খুচি আছে সম্পাদকে সংবাদপত্রৰ,
- নতুন দিল্লীত হেমে, চিলঙত শঙ্কৰবোপাই।
- দেশপ্ৰেম মোৰে৷ আছে—কতবাৰ খাটিলোঁ দিল্লীত
- নেতাই নুশুনে কথা, হাঁহে মোৰ পিঠি চপ'ৰাই,
- এইবোৰ দেখি শুনি, বুজিছানে, ওঁঠৰ অমৃত
- জিভাত তিতাহে লাগে, অন্তৰত মুঠে শান্তি নাই।
- তথাপি আশ্রম-শান্তি নাই মোৰ ললাট-লিপিত।
- যত সুঙো, চুমা খাওঁ নিচা লাগে মন্ত্ৰীৰ গাদীত।