গীত (উমেশচন্দ্ৰ চৌধাৰী)

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
Icono aviso borrar.png
এই পৃষ্ঠাটো ক্ষিপ্ৰ বিলোপনৰ বাবে মনোনীত কৰা হৈছে।
প্ৰদৰ্শিত কাৰণটো হৈছে "no source, not needed"। আপুনি ক্ষিপ্ৰ বিলোপনৰ সৈতে সন্মত নহ'লে ইয়াৰ আলোচনা পৃষ্ঠাত কাৰণ দৰ্শাওক। যদি এই পৃষ্ঠাটোৱে সঁচাকৈ ক্ষিপ্ৰ বিলোপনৰ মাপকাঠি পূৰণ নকৰে বা আপুনি ইয়াক ঠিক কৰিব বিচাৰিছে, তেন্তে অনুগ্ৰহ কৰি এই জাননী আঁতৰাওক, কিন্তু আপুনি নিজে সৃষ্টি কৰা পৃষ্ঠাৰ পৰা এই জাননী নাতৰাব।

প্ৰশাসকবৃন্দ, বিলোপ কৰাৰ আগতে ইয়ালৈ সংযোজিত পৃষ্ঠা আৰু পৃষ্ঠা ইতিহাস (শেষ সম্পাদনা) চাবলৈ নাপাহৰিব।



।।১।।

চেনেহী মোৰ মাতৃভাষা
তুমিযে মোৰ বুকুৰ বাণী,
তুমিযে মোৰ লীলাময়ী,
তুমি মোৰ-স্বপ্ন-ৰাণী ।
বিলালা মোক ইমান বেথা,
শিকালা মোক ইমান কথা;-
উল্লাসে উপচি পৰে
কি আনন্দ আকুলতা!
নধৰে মোৰ হৃদয়ত,
জৰি পৰে চকুৰ পানী ।
তুমিযে মোৰ দীপ্তি-হীনা
অযত্ন-মলিনা দীনা;
কিহেৰে আই পূজোঁ, মোৰ
সম্বল মাথোঁ জীৰ্ণ বীণা
তুমিযে মোৰ সুৰময়ী
প্ৰেম-পূত মন্দাকিনী।

।।২।।

লুইতৰ পাৰতে পৰ্ব্বতৰ আঁৰতে
ওখকৈ পাতিছিল গৰা,
চিকুণ চিকিমিকি বগী ঢকেঢকী
পৰিছিলে বালিডৰা ।